الدنيا دار ابتلاء

الدنيا دار ابتلاء



السلام عليكم ورحمه الله وبركاته بدايه انتم املى الوحيد لاني حيرانه وكارهه للحياه واتمنى كل يوم اموت بس كل كل يوم اقوم القى نفسى لسه عايشه وانا عارفه ومتاكده انه انا محتاجه طبيب نفسي بس مو قادره اروح لمه من شان ابوي ودي اختصر مشكلتي بس المشكى على الله اولا انا فتاه ابلغ من العمر 25 عاما تزوجت فبل عام تقريبا فتره ملكتي كانت 9 شهور وبعدها تم الزواج من ابن عمي وهو الولد الوحيد والديه ولكن بعد4شهور منزواجنا حصل له حادث سياره وتوفي رحمه الله رحمه واسعه واذخله فسيح جناته ومن بعدها بدا مشوار تعاستي ماأقول انها البدايه لانها من قبل بس انها وصلت اعلى درجاتها وانا اطلب مساعدكم وش الحل زوجي احبه ومو قادره انساه او اسلى من دونه راح وتركني شايله هم امه المسكينه الله يعوضها ويرزقها من فضله ويصبر قلبها كل يوم اشوفها واتنكد وعمي تزوج يبغى ولد انا موقادره اذخل شقتنا جلست مع وحده من بنات عمي في غرفتها عندى مشكله مع وحده من خواته فهى سليطه لسان ماحد قادر عليها حتى ابوها طبعا قالت لى اطلعي من البيت برا انتي ليش لسه موجوده وبصراحه زعلت جدا لان الكلام هذا كان بوجود امها وخواتها وماقالو شي وحسيت انه موهذا مكاني صحيح رحت ضفيت اغراضي بس تذكرت ان على الاقل اخر حقوق زوجي اني احترم فتره العده واجلس في البيت لكن والله ماقدرت اجلس في شقتنا كانت تفتح على بيتهم تحملت واخذتها في نفسي وقلت انا احب زوجي مايخالف اتحمل مصيره يجي يوم وتعقل وبصراحه تمادت كثير بس تحملتها وقلت عقليات الحريم عمتى كل يوم اشوفها تبكي اتنكد وتشتكي من زوجها وانا اسمع وفي يوم قرر عمي ياخذ عفشنا انا وزوجي وهذي كانت فكرته هو وبناته وجاء لمي قال عطيني مفتاح الشقه جهزيها بكره يجون عمال ياخذون العفش بدل مايشتري لزوجته الجديده عفش طبعا انا ماقلت كلمه لانه اهم شي عندي زوجي وراح وانا ماراح اخذ العفش كنت راح اتركه بس حسيت بالقهر لان ملابسي واغراضي كانت مرميه بالارض وكنت اقول في نفسي لو احترمني وانتظر العده تخلص وسوا الذي يبغى من وراي كان احسن مااكذب عليكم لما شال عمي اغراضنا طلعت الشقه ابكي واتمنى الله يجمعنى بزوجي في الجنه وقلت هذا الدنيا زايله وعلشان اكون صريحه بعد وفاه زوجي كان كل عماتي وجاتي يسالوني انت حامل وموحاسين شو صار فيني وبصراحه حتى عمي جاء لمي ثاني ايام العزاء توقعت انه يبغى يصبرني او يقول لى كلمه سالني بنتى انتي حامل قلت ماادري وبصراحه لما جاني خبر وفاه زوجي ارتفعت حرارتي وجاني نزيف غير طبيعي في غير وقت الدوره والكل قال انه من الخوف انا تمنيت انه على الاقل الله يعوض على بولد يونس وحدتي وعمتى وعمي وخواته كلهم كانوا ماملين انه انا حامل بس هو العكس عماتي حضروا العزاء وجلسوا عندنا بس زادوا الطين بله اللي تصيح على وتقول لا تبكين الدموع تحرقه في فبره والذي يجي يسولف ويضحك واذا حد من خواته قالت انشاء الله انه من اهل الجنه حلمت فيه بشي حلو قالت مو لازم اضعاث احلام الله الذي يحاسب حتى الشي الذي ممكن يريحنا حتى لو موقتا سرقوه منا والاخس من كذا يقولون موتته عقاب لكم من الله على الذي سويتوه في الزواج لاتتوقعون ان زواجنا كان فيه شي زواج عادي جدا بس اهلى متشددين وغير كذا مو راضين عن الزواج لا توقعون فيه سبب مقنع لا هذا ولد عمي بس ام عمي غير امهم يعني اخوان من اب والله مافيني شي ولا ولد عمي بس هذا عقدهم وماعرف من ارضي فيهم وبعد ماخلصت العده رحت بيت ابوي توقعت انه راح يكون وضعي احسن بس طلع اسواء اتذكر كل مكان جلسنا فيه سوا وطحت في مشاكل امي وابوي الذي كل يوم تزيد عن اول ولا واحد فيهم مترم الثاني وابوي متزوج واحده ثانيه وزوجته رفعه ضغط المطلوب مني احترام امي ومساعدتها وهذا على عيني اسويها وابوي كل يوم يهزني على اي غلط من امي وممكن انه احيانا موغلطها ويقول عنهاكلام مو كويس ولا فيه احترام لها وامي كل يوم ابوك وابوك وفضلا عن كذا تعالى روحي اشغال مايقوم قيها رجال نضفي المزرعه روحي جمعي الشوك طالع وسط ملعب كره القدم من العصر في الشمس اخبي منه دموعي بس موداري يقول خليك قويه عادى مات خلاص الله يعوضك غيره متوقع انه انا رجال وقلبي قاسي وفضلا عن كذا روحي شوفي عمتك انا ملاحظ ان نفسياتها تعبانه اجلسي معها قهويها سوي الذي تبغى تراها مسكينه هذا مسوليتك انتي مكلفه فيها حرام انا جبتها من عند اهلها وهم ناس فيهم دين راعيها على فكره هذا الكلام يوميا والله اني يكلمني والعبره حابستها ومو حاس فيني الى هذي الدرجه خايف على زوجته من الوحده ومو حاس في بنته المشكله انه يقول انت احب عيالي عندي وبعدها جاء عمي وجدتي عندنا يله قوموا بخدمتهم انا مااقول شي ايوه اقوم بخدمتهم بس ابوي الله يسامحه من الصباح قايمين وهم جاين فجاه بدون مايدقون اويقولون راحو ينامون قلنا فرصه ننام شوي قام ابوي يلعنا ويقول دينكم الادب حب اهلكم ماعندكم تربيه قلنا نايمين لما يقومو كل شي راح يكون جاهز علما ان زوجته الثانيه ماتسوى شي ولا عندها شي ولا يتجراء يشغلها بس امي ويلعنها وجدتي مسكتني وقامت تقول انا زعلانه عليك قلت هذي جدتي مايخالف اطيب خاطرها لكن ليتي موت قبل اسمعها تقول عيب الذي سويته في العزاء لما جائ صديقتك تضميها وماضميتي عماتي ولا قمتي تخدمينهم تراهم الاصل وبعدين ليش تبكين على زوجك والله ماينبكي عليه لا خير ولاصلاه ولابر والدين والله ما منه خير الذي ينقول الله يبدل سياته حسنات على فكره مارديت عليها لاتتوقعون ان زوجي كذا اكثر منه بر ماعمره شوفت بامه وابوه واخواته لكن قلت في نفسي الله ينتقم لى وله فهو ميت منها وياخذ حقنا ترى هي سوت كذا لانه مو ولد ولدها لكن اذا ماحبتي انا بنت ولها وشلون بتحب ولد ولد زوجها وجاينين يخطبون اختي اصغر منى لولدهم ونادها عمي وهي قالت له لا واحتراما لعمي قالت هو مثل اخوي طبعا ناداني ابوي وهزاني وقال ليش تقول كذا وبدا يسب في امي وتربيتها وبعد كم يوم عرفنا ان ابوي قال بجيكم ونزوجها بدون ماياخذ رايها واختي جالسه تبكي والله ماقدر اساعدها ابدا ولا وده تكسر كلمه ابوي وماتبغى تتزوجه لكن الشكوى على الله الحين تقول خلوه يسوى الذي يبغى خلاص مابغى اعرف اكثر عن ابوي وهو مسوي خادمها وحالتها حاله وعلى فكره ماعندنا خوان زي الناس كلهم دشير وازيدك من الشعر بيت يبغى يجيب وله الثاني يزوجه بس يقلون هو رفض كان هم الذي يرفضون ويوافقون واحنا مالنا راى اصلا ابوى قدمنا لهم هديه يقول مستحيل اقول لاخواني لا وانا ابغي اوزور اخوات زوجي وعلاقتي فيهم تبقى قويه علشان خاطر زوجي رحمه الله بس ابوى مو عاجبه يقول مو عاجبنه خلى العلاقه بعديده وانا الذي مو عارف اضبط علاقاتي والله اني ابكي كل ليله وماحد عارف وصلت مرحله زفت زوجي متوفي من8 شهور والله مةن كثر البكاء صار عندي الم في منتصف القفص الصدري دائما علما ان ابوي يقول انا سويت وضحيت بحياتي من شانكم انتي علمني بوش ضحيت من شان حبك لابوك والله خادمته بكل شي وساكته عن عماتي وامه عن كل شي سوه لى من شانه وساكته عن حقوقي ونتحمله حتى الدمعه اخبيها منه منشان مازعله وبرضه مو حاس ويش الحل من الصح امنه حياتي اموت وافتك الله يفرجها بس على والله محتاجه وظيفه بامس الحاجه لها ابغى اغير مجتم شوي بس ما باليد حيله

المستشار: استشارات آسية

وعليكم السلام ورحمة الله وبركاته /

أختي العزيزة قرأت استشاراتك ورأيت فيك نعم الفتاة الصبورة .. عزيزتي الدنيا دار بلاء وامتحان والمؤمن مبتلى .. فبعض الناس بلائهم بالمال والبعض بلاء بالأولاد والبعض بلاء بالدين وهو أعظم مصبية ..

دعينا نتحاور بكل واقعيه توفي زوجك بشكل مفاجئ لك .. وصدمتِ

وقد كانت وفاته مؤلمة بالنسبة لك بكل تأكيد .. عانيت فترة العزاء والعدة من الأهل وأهل الزوج ومن جدتك ,, الآن مر وقت طويل .. لابد أن تنبهي لنفسك

كل إنسان يريد الآخرين أن يعاملوه بشكل طيب لكن بعض الناس مهما عاملتيهم بالطيب لا تجدي منهم التقدير .. لذلك أكررها لك أخيتي عيشي حياتك .. الحمد لله لديك ما يشغلك وهي أمور المزرعة .. اشغلي نفسك بوقت فراغك بحفظ شيء من القرآن فهو كل خير.

أكثري من الاستغفار والدعاء فلهما أثر كبير بحياة الإنسان .. اقرئي كثيراً عن طرق الصحيحة للتعامل مع الناس وكيف نفهم أنماط شخصيات الناس فذلك يسهل معك التعامل معهم .. تقربي من والدتك وعمتك (أم زوجك) وتوددي لهما حتى لو لم تجدي شكراً منهم صدقيني لن يجحدوا ما تقومي به وسيعوضك الله .. تذكري دائماً أحوال الناس في الدول الأخرى (حروب – جرائم – هتك أعراض ) واحمدي الله على نعمة الإسلام ونعمة الأمن والأمان .. وأن مهما حدث فهم أهلك وأنتي أبنتهم لن يتخلوا عنك ..

اسأل الله لك التوفيق والسعادة دوماً

طمنينا عن جديدك

جزاك الله خيرا